OTHER

⭐️

Author

" لو قايمة من النوم و مخنوقة وحاسة إنك محرومة من زوج أو ابن أو فلوس او طقم جديد أو ايفون .. اعرفي إني قمت من النوم على صوت صديقتي الطبيبة وهي بتكلم مريضة عندها تليفات شديدة بالرئة تمنعها من التنفس وبتبشرها إنها " لمّت " مبلغ 500 جنيه عشان يشترون لها أسطوانة أكسجين !
اعرفي كمان إن المريضة ذي جميلة جداً وتزوجت وهي عندها 20 سنة وخلفت ولد زي القمر 💙.
الولد الي زي القمر ده عنده mental retardation
بعدين جابت تؤام زي القمر طبيعين وتعبت شوية فاكتشفوا عندها التليفات دي الي بتمنعها من أي حركة لأن الحركة محتاجة نَفَس والنفس محتاج أكسجين والأكسجين محتاج أنبوبة والأنبوبة محتاجة فلوس وهي مش معاها فلوس !
اعرفي إن البنت دي بتتمنى حاجتين من الدنيا دي ( إنها تقدر تقوم وتاكل وتأكل عيالها الي بيعيطو من الجوع لحد ما باباهم يرجع من الشغل ، وإنها تقدر تروح الحمام - أكرمك الله- من غير ماسك الأكسجين )
كمان حاجة أخيرة البنت تزوجت بدري أهو وجابت ثلاث أولاد أهو ولسه عندها 27 سنة ، ناقص بس تعرفي إن صديقتي الطبيبة بتقول لي دي end-stage يعني كم شهر كده وهتموت.."