OTHER

📮

Author

قصت ظفايرها .. ودريت
البارحه .. جاني خبر ..
أدري لبست خاتم عقيق ..
وتقرأ لها كتاب .. عتيق ..
كتاب .. وأظنه شعر ..
أحفظ أنا حجار الطريق .. اللي يودي لبيتها ..
وأعرفها زين ..
وأعرفها زين ٍ وأنا ..
لا شفتها ولا جيتها ..

قابلتها صدفه .. على شفاه الصحاب ..
همسة أمل حسيتها
ودمعة عذاب ..
وصارت هي الخبر الجديد ..
وعلومها همي الوحيد
وش عاد .. لو كانت بعيد ..
بين الحروف حبيتها ..

حبيبتي .. يا حلم ..
ياللي أعرفك اسم ..
وجهٍ تصوره الحروف .. وأتخيله ..
نجم ٍ أحس انه قريب .. ما أوصله ..
أنتِ اللي أعرفه .. زين..
واللي أجهله أنتِ..
حبيبتي .. وياليتها ..
أعرفها زين وأنا .. لا شفتها ولا جيتها ..

-بدر بن عبدالمحسن